فيس كورة > أخبار

"النُكتة" عنوان خسارة الزمالك للكأس

  •  حجم الخط  

"النُكتة" عنوان خسارة الزمالك للكأس

 

شهدت مواقع التواصل الاجتماعي سيل من النكات والتعليقات الساخرة عقب خسارة الزمالك نهائي كأس مصر أمام انبي، وفشله بالتتويج بأول بطولة منذ عام 2008، وتركت الجماهير المصرية المعروفة بـ"خفة الدم"، العنان لكتابة التعليقات والنُكت رغم الحزن الذي سيطر على جماهير الزمالك، بينما حرص مشجعي الأهلي على المشاكسة والتعليق.

ودارت معظم التعليقات حول الكابتن حسن شحاتة مدرب الزمالك، وأحوال الفريق الأبيض في السنوات الأخيرة بالإضافة إلى بعض التعليقات الطريفة حول فريق انبي وأيضاً توظيف بعض العبارات الشهيرة التي تتردد في مصر حول المباراة وأحداثها .

وفيما يلي أبرز التعليقات التي نشرت على المواقع الاجتماعية :

* أن تكون أهلاوي فهي نعمة .

* الزملكاوي الحق هو الذي يثور حتى يصل للمباراة النهائية، ثم يهدأ ليتسلم الميدالية الفضية * نفسي أشوف تغيير في البلد .. و أشوف الزمالك بيأخد أي بطولة عشان أحس بالتغيير.

* الزمالك طالب بالتغيير بعد الثورة .. طب ما هو غير الفانلة عايز إيه تانى.

* عاجل | رصد | تم تجميد نشاط حمله افرحلك كام يوم بقالك 7 سنين محروم .. لحين الاستقرار علي عدد سنين الحرمان .

* حسن شحاتة عملها كالعادة و فرح مصر كلها .

* حسن شحاتة: رفضنا الفوز لأنه ليس هذا هو الوقت المناسب للفرحة .

* نود ترشيح نادي الزمالك لجائزة نوبل كأفضل الأندية في العالم  في المحافظة على المركز الثاني .

* الكورة مكسب وخسارة لكن بالنسبة للزمالك خسارة بس .

* جمهور الزمالك قبل الماتش: بناديك تعالى .. بعد الماتش: تجربه وعدت.

* إنت مش إنبي .. مختار مختار هو اللي انبي.

* كله يشترك في حملة .. انبي بيتك (إبني بيتك).

* عاجل | رصد | وفاة عدد كبير من مشجعى الزمالك بعد خسارة الكأس اثر "سكته إنبيه" .

* الحياة بقا لونها انبي (بمبي).

* والعاقبه عندكم في المسرات إن وجد.

* يعني إيه كوك زيرو .. يعني حسن شحاتة مخسرش ولا نهائي في حياته وخسر مع الزمالك .

* عايز فريق بطولات ؟؟ يبقى الأهلي، عايز كورة حلوة ؟؟ يبقى الإسماعيلي ، زاهد في الحياة و مش عايز حاجة ؟؟ يبقى عليك وعلى الزمالك .

* نداء عاجل إلي لاعبي انبي، خلو لاعبي الزمالك تتصور مع الكأس شويه ، محدش عارف هيشوفوه تاني ولا لا .

* لاعبي الزمالك ولاد أصول برضوا مرضوش يزعلوا جمهورهم طول الكاس واستنوا أخر ماتش لما جمعوا الجمهور كله في ماتش واحد وقفلوا عليهم الاستاد ونكدوا عليهم .

* طلع يا ابني يافطة سنظل أوفياء من المخزن .

* الفقر فقر حتى لو جابوا المعلم والصقر .

* نأسف لعدم حصولك على المركز الأول .. فأنت غير مشترك في هذه الخدمة.

 




 

إذا أعجبك الموضوع ، شارك أصدقائك بالنقر على كلمة أعجبني